Kulangot Sa Pader

Kulangot sa pader

Isa siyang kulangot sa pader

Hindi kaaya-aya ang itsura

Sana ay hindi na lang nakita

Sana minsan bago maghayag

Konting karunungan ay idagdag
Mga post na wala namang saysay

Ay di makakatulong sa buhay

Lahat gusto ilabas

Minu-minuto, oras-oras

Lahat nais ipasiwalat

Gayong di naman tayo sikat

Wala akong masasabi

Sa mga nais magbahagi

Ang tanging hiling ko lang

Oras ko ay di masayang

Paumanhin kung nagalit

Di ko naman ipinipilit

May karapatan ka sa kung anuman

Ang lumabas sa iyong lalamunan

Naisip ko lang na kahit minsan

Mag-share tayo ng karunungan

Bakit di hasain ang talino

Para sa ikauunlad ng mundo?

Mga kuwentong may lalim

Mga puntong may diin

Mga jokes na witty

Pangyayaring nakakakiliti

Sa huli'y okay lang talaga

Sa Facebook, bahala ka

Isa lamang paalala

Kung ano ba ang mahalaga

Ay sus, naiintindihan ko

Kasi ganyan din naman ako

Pare-pareho lang ding tao

May sari-sariling prinsipyo

Lahat kayo'y aking kaibigan

Galit sa aki'y wala naman

Konting atensyon lang talaga minsan

Ang ating higit na kailangan